ژماردن و ڕاگواستن
بەناوی خوای گەورە میهرەبان
نهێنی و تایبەت
ئاسایشی گشتی
بەڕێوەبەرایەتی ئاسایشی پارێزگای هەولێر
ژمارە: و.س. 2/13022 بەرواری 11/10/1987
بۆ: سەرجەم بەڕێوەبەرایەتییە ئەمنییەکان وهۆبەکان و و بەشی سیاسییەکان
م/ ژماردن و ڕاگواستنی بنەماڵەی تێکدەرەکان
لەژێر ڕۆشنایی ئەو کۆبوونەوەیەی کە لە 6/9/1987 بە سەرۆکایەتی هەڤاڵ عەلی حەسەن ئەلمەجید سکرتێری فەرمانگەی ڕێکخستنی باکور بەڕێوەچوو، و بە ئامادەبوونی پارێزگار و بەرپرسانی لقەکانی حزب لە ناوچەی باکوور ، لەسەر ئەمانەی خوارەوە بڕیاردرا:
1(، لیژنە ئەمنییەکان لە پارێزگاکانی باکوور دەبێت ژمارەی خێزانی تێکدەرەکان پێشکەش بکەن و، دوای تەواوکردنی ژماردنیان، بەردەوام دەبن لە راگواستنی: ئەو خێزانانە بۆ ئەو ناوچانەی کە خزمە تێکدەرەکانیان لێیە، جگە لەو نێرانەی لە نێوانیاندا تەمەنیان لە نێوان 12 بۆ 50 ساڵدایە، کە دەبێت دەستبەسەر بکرێن.
لە کاتی جێبەجێ کردن خێزانی شهیدەکان سەرباز و بێسەروشوێنکراو و دیل یان شەڕکەر لە فەوجەکانی بەرگری نیشتمانیدا بەدەر دەکرێن. لەم حاڵەتەدا، تەنها دایکەکە بۆ لای کوڕە تێکدەرەکەیدا تەرحیل بکرێت.
2. پێشنیار دەکرێت کە سیمینار و کۆبوونەوەی کارگێڕی گشتی ئەنجام بدرێت کە لەم ماوەیەدا پەروەردە لەسەر گرنگی سەرژمێری گشتی دانیشتوان کە بڕیارە لە 17/10/1987 ئەنجام بدرێت.
3- گەڕانەوەی تێکدەرانی تەوبەکار بە چەکەوە لە 6/9/1987 تا 17/10/1987 وەردەگیرێت. لەدوای 17/10/1987 گەڕانەوەیان قبوڵ ناکرێت تەنانەت ئەگەر چەکەکانیان لەگەڵ خۆیان هێنابێت.
بۆئاگاداری و کاری پێویست، تکایە
بەڕێوبەری ئاسایشی
بەڕێوەبەرایەتی ئاسایشی هەولێر
تێبینی: رژیمی بەعسی عێراق وشەکانی<< المخرب، المخربین، المجرم، المجرمین، المجرم المقبور>> بە شێوەیەکی بەردەوام لە بەڵگەنامە فەرمیەکانی بەکار دەهێنا بۆ ناونیشانی کوردەکان، پێشمەرگەکان، و هەر کەسێک چالاکی لەدژی سیاسەتەکانی نامرۆڤانەی بەعس ئەنجام دابا و بۆ ئازادی و دادپەروەری و مافی کوردان و سەربەخۆیی تێکۆشابا. ئەو ناوو نیشانانەی وەک« تێکدەر، تێکدەران، تاوانبار، تاوانباران، تاوانباری مردوو» بەرامبەریان بەکار دەهات، بە مەبەستی بیڕێزکردن و سلبی کرامەتی مرۆیی لەدژی کورد بەکاردەهێنا. ئەم بەکارهێنانە بەشێک بوو لە شەری دەروونی و سیاسەتی فکری و ئایدۆلۆژیکی رژیم لە چوارچێوەی پڕۆژەی سرینەوە و جینۆساید،
Leave feedback about this